УИХ-ын ээлжит бус чуулганаар тэтгэвэр, тэтгэмж нэмэх төслийн тодотголыг хэлэлцэнэ

Өнөөдрийн Засгийн газрын ээлжит бусаар хуралдаанаар, Монгол Улсын төсвийн хуулиудын нэмэлт, өөрчлөлтийг хэлэлцэн дэмжиж, УИХ-д өргөн мэдүүлэхээр тогтлоо. 

Монгол Улсын Ерөнхийлөгч иргэдийн тэтгэврийн хэмжээг үе шаттай нэмэгдүүлэхийг Засгийн газарт чиглэл болгосон. Үүний дагуу улсын төсөв болон нийгмийн даатгалын сангийн төсөвт тодотгол хийх шаардлага үүссэн байна.

УИХ-ын ээлжит бус чуулганы хуралдаан өнөөдөр 14.00 цагт эхэлж 2022 оны төсвийн хүрээний мэдэгдэл, төсвийн тухай хуульд өөрчлөлт оруулах тухай, Нийгмийн даатгалын сангийн 2022 оны төсвийн тухай хуульд өөрчлөлт оруулах тухай, 2023-2024 оны төсвийн төсөөллийн тухай хуульд өөрчлөлт оруулах тухай хуулийн төслүүдийг боловсруулсныг хэлэлцэн батлах юм.