Л.Энх-Амгалан: Хичээлийн хоцрогдол их байгаа учраас хүүхдүүдээ аль болох танхимаар хичээллүүлнэ

БШУ-ны сайд Л.Энх-Амгалан: Засгийн газрын хурлаар өвлийн амралтыг 7 хоногоор сунгаад 2-р сарын 14-нд эхлээд цахим, танхим гэсэн зарчмаар 14 хоног явахаар шийдвэрлэсэн. Хөдөө орон нутгийн сургууль, цэцэрлэг ногоон бүсэд орж байгаа аймгуудад хэвийн танхимаар үргэлжлүүлнэ. Бусад нь дээрх зарчмаар явахаар болсон. Хичээлийн хоцрогдол их байгаа учраас хүүхдүүдээ аль болох танхимаар хичээллүүлэх тал дээр арга хэмжээ авч байна. Хичээл, сургуулийг 2-р сарын 11-нд нээх ёстой гэж үзэж байгаа бол цагаан сарын баяраа гэр бүлийнхээ орчинд айлаар хэсэхгүй тэмдэглэхийг уриалж байна. Хэрвээ айлаар хэсэж халдварын тохиолдол улам нэмэгдсэн тохиолдолд хичээл, сургуулийн асуудлыг дахин хойшлуулах тал дээр ярих шаардлагатай болно. Мэргэжлийн боловсрол, их дээд сургуулиуд 2-р сарын 7-нд хичээл эхэлнэ. Гэхдээ цахимаар хичээллэнэ. 7 хоног цахимаар хичээллээд танхимаар орохоор шийдсэн.