Иргэд, аж ахуйн нэгжүүдэд 100 тэрбум төгрөгийн хөнгөлөлттэй зээл олгоно

“Нийслэлийн жижиг, дунд үйлдвэр, үйлчилгээг дэмжих төв” НӨҮГ болон Богд банк хамтран Улаанбаатар хотод үйлдвэрлэл, үйлчилгээ эрхэлж байгаа иргэн, аж ахуйн нэгжүүдэд нийт 100 тэрбум төгрөгийн хөнгөлөлттэй зээл олгохоор болсон талаар мэдээллээ. 

Улсын нийт ЖДҮ эрхлэгч аж ахуйн нэгж байгууллагын 70 хувь буюу 43.236 ЖДҮҮ эрхлэгч Улаанбаатар хотод байна. Энэ салбарт 674.546 ажилтан хөдөлмөрлөдөг. Хөдөлмөрийн зах зээлийн 67.2 хувь, Улаанбаатар хотын нийт хүн амын 44 хувийг тус тус бүрдүүлж байна. Тиймээс ЖДҮ-ийн салбар нь дундаж давхаргыг нэмэгдүүлэх эдийн засгийн чухал ач холбогдолтой гэсэн үг.

Мөн цар тахлын нөлөөнд ЖДҮ-ийн салбар нь хамгийн их өртсөн. Нийт ЖДҮ эрхлэгчдийн 94 хувь нь хүнд нөхцөл байдалд орсон, үүний 95 хувь нь тус хүндрэлийг даван туулахад зайлшгүй нэмэлт санхүүжилт хэрэгцээтэй байгаа нь судалгаагаар тодорхойлогдсон.

Тиймээс энэ хөнгөлттэй зээл “ЖДҮ-ийн салбарт чиглэсэн Санхүүжилтийн хөтөлбөр” бодитой үр дүн гарна гэдгийг албанынхан онцоллоо.