Хоёр жил өнжсөн сар шинийн бөхийн барилдааныг хатуу хяналт дор зохион байгуулна

1963 оноос хойш зохион байгуулагдаж эхэлсэн цагаан сарын бөхийн барилдаан цар тахлын улмаас  хоёр дахь жилдээ цуцлагдсан бол энэ жил сар шинийн барилдаан уламжлал ёсоор зохион байгуулагдана гэдгийг Шадар сайд мэдээллээ. Ингэхдээ халдвар хамгааллыг өндөр сахиж, зохион байгуулна гэдгийг тэрбээр тодотгосон. Тухайлбал,  бөхчүүд вакцины бүрэн тунд хамрагдсан байх,  PCR шинжилгээгээ өгсөн байх зэрэг шаардлагыг тавих ажээ. 

Хамгийн сүүлд 2019 оны хоёрдугаар сарын 4-ний битүүний өдөр шороон гахай жилийн сар шинийн баярт зориулсан 256 бөхийн барилдаанд улсын аварга Р.Пүрэвдагва түрүүлж, улсын арслан Ц.Содномдорж үзүүрлэж, их шөвөгт улсын арслан Н.Батсуурь, улсын аварга С.Мөнхбат нар шалгарч байв.