Танхимын хичээл эхлүүлэх эсэх эцсийн шийдвэрийг ирэх долоо хоногт шийднэ

Засгийн газрын өнөөдрийн хуралдаанаар хэлэлцсэн асуудлын талаар мэдээлэл хийлээ. Өнөөдрийн хуралдаанаар өнөөгийн нөхцөл байдалд хөл хорио тавих шаардлагагүй гэж үзжээ. УОК-оос төрийн албан хаагчдын 50 хувийг цахимаар ажиллуулах саналыг гаргасан байна. Харин энэ саналыг Ерөнхий сайд дэмжээгүй, төрийн алба бүрэн бүрэлдэхүүнээрээ ажиллах үүргийг өгсөн байна.  

УОК-ын эрдэмтдийн зөвлөлөөс өгсөн мэдээллээр нэгдүгээр сарын сүүлч, хоёрдугаар сарын эхэнд халдварын тархалт хамгийн өндөр түвшинд хүрэх тооцооллыг гаргаад байна.

Ийм учраас БШУЯ-наас хичээл сургуулийг хэрхэн эхлүүлэх талаарх гурван төрлийн зохион байгуулалтын арга хэмжээг Л.Энх-Амгалан сайд танилцуулсан. Ерөнхий сайдын зүгээс ЭМЯ, БШУЯ, УОК саналаа нэгтгэж шийдэх долоо хоногийн хугацаатай үүргийг өглөө.