Н.Уртнасан: Ерөнхий сайд шударга, зөв шийдвэр гаргасан гэж үзэж байна

Засгийн газрын ээлжит бус хуралдаанаар  БОАЖ-ын сайд Н.Уртнасан, дэд сайд Ц.Батбаяр, Төрийн нарийн бичгийн дарга Д.Ганболд нарыг үүрэгт ажлаас нь чөлөөлсөн. Энэ хугацаанд БОАЖЯ-ны үйл ажиллагааг Хүнс хөдөө аж ахуй, хөнгөн үйлдвэрийн сайд З.Мэндсайхан түр хариуцахаар болсон юм.

 Уг шийдвэртэй холбоотойгоор  БОАЖ-ын сайд асан Н.Уртнасан цахим хуудасна  байр сууриа илэрхийлжээ.

Тэрбээр, "Ерөнхий сайд шударга, зөв шийдвэр гаргасан гэж үзэж байна. Бүх шатанд хариуцлага тооцох эрүүл зарчим, жишиг тогтоох нь төрийн алба хашиж буй хүн бүрт үүрэг хариуцлагаа ухамсарлах зөв хандлага гэж ойлгох ёстой. Өнөөдөр гарсан шийдвэртэй холбоотой үүнээс өөр тайлбар үгүй" гэжээ.