Д.Тогтохсүрэн:Хөдөөгийн нэг багийн иргэд бие биетэйгээ гэр бүл болохыг хуулиар хориглох боломжтой

УИХ-ын чуулганы хуралдаанаар “Монгол хүний удмын сангийн аюулгүй байдлыг хамгаалах, хүн амын өсөлтийг дэмжих талаар авах арга хэмжээний тухай” Улсын Их Хурлын тогтоолын төслийн эцсийн хэлэлцүүлгийг хийж, батлав. Энэ үеэр УИХ-ын гишүүн Д.Тогтохсүрэн "Цус ойртолтын асуудал байсаар байна. Захиргааны арга хэмжээ авдаг тогтолцоо хэрэгтэй" гэсэн байр суурийг илэрхийлсэн. Энэ талаар түүнээс тодруулахад тэрбээр "Монгол хүний удмын сангийн аюулгүй байдлыг хамгаалах асуудал бол Монгол хүний эрүүл байх хамгийн том суурь үндэс нь. 1990 оноос хойш шилжилт хөдөлгөөн замбараагүй явагдаж, энэ хэрээр цус ойртолт нэмэгдсэн. Захиргааны хэд хэдэн арга хэмжээг авах ёстой. Тухайлбал, төрийн албан хаагчдын сэлгээг тогтмол хийх, хөдөөд ядаж сумаасаа биш юм гэхэд нэг багийн иргэд бие биетэйгээ гэр бүл болохыг хуулиар хориглох боломжтой гэж үзэж байгаа.Удамшлын өвчин газар авч байна, үүнийг таслан зогсоохын тулд дээрх арга хэмжээг авах нь зөв" гэлээ.

ВИДЕО ШУУД ҮЗЭХ: