Н.Тавинбэх: Шахмал түлшний чанарыг гадны оронд шинжлүүлье гэж бодож байна

Эрчим хүчний сайд Н.Тавинбэх захын дүүргийн зарим хороонд ажиллаж, шахмал түлшний нөхцөл байдалтай танилцлаа. Тэрбээр энэ үеэр өгсөн мэдээлэлдээ "Өрхөд долоо хоногт зургаан шуудай өгч байгаа нь тооцоо судалгаанд үндэслэгдсэн. Утаа нэмэгдсэн нь үнэн, шалтгааныг нь тодруулахаар өнөөдөр газар дээр нь ажиллаж байна. Иргэд шахмал түлш чанаргүй байна гэж хэлж байгаа. Гэтэл Монгол Улсын эрх бүхий лабортариуд шахмал түлш стандарт хангаж байгаа гэдгийг туршилтын дүнгээр баталгаажуулсан. Шахмал түлшний чанарыг гадны оронд шинжлүүлье гэж хүртэл бодож байна. МХЕГ шахмал түлшний үйлдвэрүүдэд бүх шатанд нь хөндлөнгөөс байнга шалгалт хийдэг. Бид өөрсдөө ч гэсэн хүсэлт тавиад нэмэлт шалгалт хийлгүүлдэг. Шалгалтаар илчлэг буураагүй, чийгний хэмжээ стандартад байна гэж гардаг. Гэхдээ бид өөрсдийгөө зөвтгөхгүй, дахиад нягтална" гэлээ.