Казахстанд үймээнийг дарах явцад 5000 хүнийг баривчилжээ

Казахстанд тайван жагсаалыг дээрэм тонуул, үймээн болгосон этгээдүүдийг саатуулах ажиллагаа идэвхтэй явагдаж байна. Тус улсын Дотоод яамны мэдээгээр 5135 хүнийг дээрэм тонуул хийсэн хэргээр саатуулаад байгаа аж. Эдгээр тонуулчдын учруулсан хохирлын хэмжээг нарийвчлан тогтоож байгаа сүүлийн мэдээгээр 175 сая еврогийн хохирол учирсан гэж тооцсон байна. Үүнд 100 гаруй үйлдвэр, банкнууд руу халдаж тоносон, Алма-Атад гэхэд 400 гаруй кафе, цайны газрыг тонож, 400 гаруй авто машиныг шатаажээ.