Омикрон хувилбарын шинж тэмдэг нь хоолой өвдөж, халуурна

Коронавируст “омикрон” хувилбарын үед түгээмэл илрэх шинж тэмдгүүдийг хүргэж байна. Тодруулбал, байнга ханиалгах, хамар битүүрэх, толгой өвдөх, үнэрлэх мэдрэмж алдах, өндөр халуурах, хоолой өвдөх шинж тэмдэг түгээмэл илэрнэ.

Дэлхийн хэмжээнд өнөөдрийн байдлаар 140 оронд омикрон хувилбар бүртгэгдээд байна. Халдварын тархалт мутацид орж тархсанаас үүсэх эрсдэл өдрөөс өдөрт нэмэгдэж байна. Тухайлбал, 1-2 сарын дараа дэлхийн олон оронд дельта болон омикрон хувилбарын оргил үе гарах магадлал их байна. Омикрон хувилбарын нууц үе богиносч, халдвар тархах эрсдэл өндөр болсон гэдгийг холбогдох газраас мэдээлж байв.

Омикрон хувилбарын шинж тэмдэг нь хоолой өвдөх, ханиалгах зэргээр илэрдэг. Монголд ханиад томуу их байгаа учир хурдан хугацаанд тархах, хүндрэх эрсдэл өндөр юм.

Омикрон хувилбарын үед илрэх шинж тэмдгүүд:

• хоолой өвдөх
• нус гоожих
• толгой өвдөх
• ханиалгах
• халуурах
• үнэрлэх мэдрэхүй алдагдах
• найтаах.