"Гэр бүлийн нэг гишүүн нь омикрон халдвараар өвдвөл бусдадаа халдаах магадлал маш өндөр байна"

Эрүүл мэндийн сайдын зөвлөх О.Батбаяр цаг үеийн асуудлаар мэдээлэл өглөө. 

-Манай улсад омикрон хувилбар зөөвөрлөгдөн орж ирэх нь цаг хугацааны асуудал байсан. Бид хил дээрх хяналтаа  эрчимжүүлж, сайжруулан халдвар орж ирэхээс сэргийлэн бусад оронд гарч буй халдварын давлагааг судлан,  ямар эрсдэлт бүлэг өртөж байна, ямар эмчилгээ хийх вэ зэрэг тактикаа боловсруулан ажиллаж байна.  Дэлхийн 140 гаруй улсад омикрон хувилбар бүртгэгдсэн.  АНУ-д өдөрт 1 сая хүртэл халдварын тохиолдол бүртгэгдэж байна. Японд 1200 орчим омикрон хувилбар,  ОХУ-д 103 зөөвөрлөгдсөн тохиолдол, БНХАУ-д гурван зөөвөрлөгдсөн тохиолдол бүртгэгдсэн. Өмнөд африкт омикрон халдварын давалгаа сар орчим үргэлжлээд буурч байна. Үндсэндээ омикроны давалгаа нэг сар хүртэл үргэлжилж байна.  Манай улсын хувьд халдвар тархсан тохиолдолд хөл хорио тогтоохгүй, сургууль, цэцэрлэгийн үйл ажиллагааг хэвийн явуулах бодлого баримтална. Учир нь манай улсад вакцинжуулалт өндөр хувьтай, өвчилсний дараах хабрид дархлаа өндөр байна. Омикроны халдварлах байдал гэр бүлийн хүрээнд тав дахин нэмэгдсэн гэсэн судалгаа байна. Гэр бүлийн нэг гишүүн нь омикрон халдвараар өвдсөн тохиолдолд бусад гишүүн өвдөх магадлал өндөр гэсэн үг. Улс орнууд хүнд өвчтнүүдийг эмнэлэгт эмчилж байна. 

Омикрон хувилбараар өвчилсний дараа шинж тэмдэггүй болбол 5-7 хоноод ажилдаа орохыг олон улсад зөвлөж байгаа. Вакцин хийлгээгүй болон нэг тун хийлгэсэн хүмүүс өвдөх эрсдэл маш өндөр байна. Дахин өвдөөд вакцин хийлгээгүй хүмүүс халдвар авах тохиолдол тав дахин нэмэгдэж байна.