Д.Нямхүүгийн хувийн байгууламжаас их хэмжээний валют, төрийн өмчийг хувьдаа завшсан байж болзошгүй баримт олджээ

Өнгөрсөн шөнө АТГ-аас ХӨСҮТ-ийн захирал асан Д.Нямхүүг баривчлан саатуулсан талаар бид мэдээлсэн. Тодруулбал, цар тахлын үеийн хөрөнгийг үр ашиггүй зүйлд зарцуулсан, мөн хувьдаа завшсан байж болзошгүй хэрэгт буруутган шалгаж байгаа юм.

Эх сурвалжийн мэдээлж буйгаар түүний хамаарал бүхий байгууламжид нэгжлэг хийхэд их хэмжээний үнэт чулуу, валют олдсон төдийгүй, хамгийн ноцтой нь төрийн өмчийг хувьдаа завшсан байж болзошгүй бичиг баримт олдсон байна.

ХӨСҮТ-ийн захирал асан Д.Нямхүүг 2021 оны нэгдүгээр сарын 21-ний өдөр ажлаас нь чөлөөлсөн билээ. Тэрээр хууль бусаар чөлөөлөгдсөн хэмээн үзэж, 2021 оны хоёрдугаар сарын 18-нд Сүхбаатар, Чингэлтэй дүүргийн Иргэний хэргийн анхан шатны шүүхэд нэхэмжлэл гаргаж улмаар шүүхийн шийдвэр Д.Нямхүүгийн талд гарч байв.