Б.Мөнхжин: Монгол иргэдтэйгээ холбоо тогтоож чадахгүй байна, иргэдээ автозамаар татан авах асуудлыг судална

Л.Бямбажав

2022/01/06

Өнөөдрийн байдлаар манай нийт 4028 иргэн Казахстанд ажиллаж, амьдарч байна. Казахстан улсад үүсээд байгаа нөхцөл байдлын талаар ГХ-ны дэд сайд Б.Мөнхжингөөс тодрууллаа.

Тэрбээр "Казахстаны нөхцөл байдлын талаар Ерөнхий сайдад мэдээлэл өглөө. Тухайн улсад манай улсын 4000 гаруй иргэн ажиллаж, амьдардаг. Бүгд Найрамдах Казахстан Улсад үүсээд буй нийгмийн эмх замбараагүй байдлын улмаас тус улсад байгаа монгол иргэдийн эрүүл мэнд, бие махбодод хохирол учирсан тохиолдол одоогоор гараагүй. Харилцаа холбоо тогтооход хүндрэл гарч байна. Интернэтийн сүлжээ, гар утасны сүлжээ мөн тасарсан.

Суурин утас ажиллаж байгаа ч ихэндээ тасалдаад холбоо тогтооход хүндрэлтэй байна. Цэрэг оруулах тусламжийг хүссэн гэсэн мэдээллийг авсан. Иргэдээ татан авах нөхцөл үүсэхийг үгүйсгэхгүй. Гэхдээ одоогоор асуудал энэ хэмжээнд хүрээгүй" гэсэн тайлбарыг тэрбээр өглөө.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ