МУГЖ С.Наран: Гавьяат авах мөчид их зүйл бодогдсон

Тулгар төрийн 2230 жил, Их Монгол Улс байгуулагдсаны 815 жил, Үндэсний эрх чөлөө, тусгаар тогтнолоо сэргээн мандуулсны 110 жил, Ардын хувьсгалын 100 жилийг ойг тохиолдуулан Монгол Улсын Ерөнхийлөгч У.Хүрэлсүх зарлиг гаргаж, эрхэлсэн ажилдаа олон жил үр бүтээлтэй ажиллаж онцгой амжилт гарган, эх орныхоо хөгжил цэцэглэлтэд үнэтэй хувь нэмэр оруулж буй салбар салбарын тэргүүлэх зүтгэлтнүүдэд төрийн дээд цол, одон, медаль хүртээлээ.

Энэ үеэр поп дива С.Наранд МУГЖ цол олголоо. 

Түүний сэтгэгдлийг хүргэж байна.

Монгол Улсын Гавьяат жүжигчин, дуучин С.НАРАН: 

-Гавьяат болох тэс өөр мэдрэмж юм байна. Би энэ мөчийг ерөөсөө төсөөлж байгаагүй. Бүх зүйлд чин сэтгэлээсээ хандах ёстой юм байна. Маш том хариуцлагыг мэдэрч байна. Улам их зөв үлгэр дууриалал үзүүлэх ёстой юм байна. Миний дууг сонсдог, намайг дэмжин хайрладаг бүх хүмүүстээ талархаж байна. Есөн хөлт цагаан тугийнхаа дор зогсон, Гавьяат болоход их зүйл бодогдсон. Би урлагт маш олон жил зүтгэж явна. Өөрийгөө шагнал авна гэдгийг нэг хоногийн өмнө мэдсэн. Бүх зүйл их гэнэтийн байлаа. Цаашдаа маш хариуцлагатай байж, үүргээ сайн биелүүлж, чин сэтгэлээсээ хөдөлмөрлөх болно. Хүнд заана гэдэг маш том хариуцлага. Тэгж байж үлгэр дууриалал болно. Надад хоёр, гурван шавь бий.