Засгийн газар Пүрэв гаригт хуралдана

Долоо хоног бүрийн Лхагва гаригийн 08 цагаас Засгийн газрын ээлжит хуралдаан болдог. 

Тэгвэл энэ Лхагва гариг буюу маргааш Үндэсний эрх чөлөө, тусгаар тогтнолоо сэргээсний баярын өдөр таарч, бүх нийтээрээ амрах учраас Засгийн газар Пүрэв гаригт хуралдахаар товложээ.

Засгийн газрын ээлжит бус хуралдаан 2021 оны 12 дугаар сарын 25-ны  Бямба гаригт болж, Шинэ сэргэлтийн бодлого батлах тухай УИХ-ын тогтоолын төслийг хэлэлцээд УИХ-д өргөн мэдүүлсэн.  Шинэ сэргэлтийн бодлого нь Монгол Улсын эдийн засгийн хараат бус, бие даасан байдлыг бэхжүүлэх, коронавируст халдварын цар тахлын улмаас эдийн засагт үзүүлж байгаа сөрөг нөлөөллийг бууруулах, хөгжлийг хязгаарлагч хүчин зүйлсийг цаг алдалгүй шийдвэрлэж, “Алсын хараа-2050” урт хугацааны хөгжлийн бодлого хэрэгжүүлэх суурь нөхцөлийг бүрдүүлэх, эдийн засаг, дэд бүтэц болон төрийн бүтээмжийг сайжруулах дунд хугацааны зорилтот хөтөлбөр юм.