Г.Дамдинням: Улсаас 52 тамирчинд жилд 1.5 тэрбум төгрөгийн цалин олгодог, үүнийг өөрчлөх хэрэгтэй

УИХ-ын гишүүн БСШУС–ын байнгын хорооны дарга Г.Дамдинням “Тив, дэлхий, олимпийн наадамд амжилт үзүүлсэн тамирчдад насан туршид нь урамшуулал олгодог системийг Засгийн газар эргэн харах шаардлагатай гэсэн байр суурийг илэрхийлсэн. Энэ талаар  түүнээс тодрууллаа. 

Олон улс болон тив дэлхийн тэмцээнд амжилт гаргасан тамирчдад дээд тал нь сарын найман сая төгрөгийн цалин олгодог аж. Тодруулбал, 52 тамирчинд жилдээ 1.5 төгрөгийн цалин олгодог юм байна. 

Энэ талаар УИХ-ын гишүүн Г.Дамдинням хэлэхдээ "Амжилт гаргасан тамирчдаа урамшуулах нь зөв. Гэхдээ залуу наснаас нь эхлээд насан туршид нь тэтгэмж олгох учир дутагдалтай. Магадгүй нэг удаагийн амжилтыг нь тооцож нэг олимпийн циклд олгоод, тэгээд хожим нь тэтгэвэрт гарсан хойно нь цалинг нь нь үргэлжлүүлж олгодог байх зохицуулалтыг Засгийн газар хийж болно. Ингэхгүй бол идэр, залуу ид хөдөлмөрлөх насан дээрээ байгаа хүмүүс зүгээр сууж байгаад цалин аваад байна" гэв.