УИХ-ын гишүүн Г.Амартүвшин: БНХАУ гуравдугаар сар хүртэл хилээ нээхгүй гэж мэдэгдсэн байна

МАН-ын бүлэг өнөөдөр (2021.12.20) хуралдаж, Коронавируст халдварын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийг зургаан сараар сунгахыг дэмжсэн.

Уг хуулийг сунгахыг дэмжиж багаа эсэхийг УИХ-ын гишүүн Г.Амартүвшингээс тодруулахад тэрбээр "Цар тахлын хуулийг сунгах нь зөв. Учир нь цар тахал дэлхий нийтэд үргэлжилсээр байна. Зарим орон хөл хорионд буцаад орж байна. Энэ хэрээр  цар тахлын нийгэм, эдийн засагт үзүүлэх нөлөөлөл хэвээр байна гэсэн үг. Энэ сарын 31 гэхэд нөхцөл байдал сайжрахгүй нь тодорхой учраас хуулийг дахин сунгахыг дэмжинэ. Хятад улсын талаас өвлийн олимп дуустал хилийн хаалттай горимоо өөрчлөхгүй гэсэн мэдээлэл гадаад, дотоод хэвлэлүүдээр их гарч байна. Энэ нь бидний хувьд маш хүндрэл дагуулах нь.