Ч.Хүрэлбаатар:Замын-Үүдэд тээвэр ложистик нь хамгийн гол асуудал байхад л өрөөл бусад руу бурууг чихээд байна

Пүрэв гаригийн чуулганы нэгдсэн хуралдааны үеэр  УИХ-ын гишүүн Ч.Хүрэлбаатар  хариуцлагын тогтолцоо алдагдсан талаар хөндлөө. 

Тэрбээр "Байгууллага бүр өөр өөрсдийн хариуцсан ажлаа төгс, төгөлдөр хийдэг байх хэрэгтэй байна. Энэ жишгээр явбал асуудал үүслээ гэхэд хариуцлага хүлээх хүн байхгүй болно. Жишээлбэл, Замын-Үүдийн асуудал дээр тээвэр зуучлал, тээвэр ложистик нь хамгийн гол асуудал байхад л өрөөл бусад руу бурууг чихээд явж байна. Монгол Улсад ажил хийж байгаа хариуцаж байгууллага өөрөө хар толгойгоороо хариуцдаг тогтолцоог бүрдүүлэх хэрэгтэй. Эцэст нь хэн хариуцах нь мэдэгдэхгүй 10, 20 байгууллага хариуцдаг ийм тогтолцоог бүрдүүлээд байна. Ингэх юм бол Монгол улсад хариуцлага тооцдог, хариуцлагаа хүлээдэг тогтолцоо бий болохгүй. Хариуцлагын тогтолцоо Монгол улсад дутагдаж байгаа гэдгийг онцолж хэлье" гэв.