Б.Лхагвасүрэн: Ипотекийн зээлийн урьдчилгааг 20 хувь болгох эцсийн шийдвэр гараагүй

Ш.АДЪЯАМАА

2021/12/16

Монголбанкны Мөнгөний бодлогын хорооны 2021 оны арванхоёрдугаар сарын 15, 16-ны өдрийн ээлжит хурлаар эдийн засаг, банк, санхүүгийн зах зээлийн өнөөгийн байдал, гадаад, дотоод орчны ирээдүйн төлөв, эрсдэлийг харгалзан үзээд:

1. Бодлогын хүүг 6 хувьд хэвээр хадгалах;

2. 2022 оны 1 дүгээр улирлын Урт хугацаат репо санхүүжилтийн хэмжээг 250 хүртэлх тэрбум төгрөгөөр тогтоох;

3. Репо санхүүжилтийн хүүг бодлогын хүү+0.5 хувиар тогтоох;

4. Гадаад валютын татан төвлөрүүлсэн хөрөнгөнд тооцох заавал байлгах нөөцийн хувийг 3 нэгж хувиар нэмэгдүүлж 18 хувьд хүргэх багц шийдвэрийг гаргалаа.

Энэ үеэр сэтгүүлчид ипотекийн зээлийн урьдчилгааг хэзээнээс 20 хувь руу болгох талаар тодруулахад, "Уг асуудлын хүрээнд Сангийн яам, Барилга, хот байгуулалтын яам гэгчлэн холбогдох байгууллагуудтай яриа хэлэлцээ хийгээд явж байгаа. Ипотекийн зээлийн төлбөрийг урт хугацаанд тэгш хувааж төлдөг ийм зээл. Хэрэв урьдчилгаа төлбөр буурвал сарын төлөлт нь өндөр болно. Одоогийн байдлаар сард төлж байгаа дундаж төлөлт 480 мянган төгрөг байгаа. Одоогоор нэгдүгээр сарын 1-нээс хэрэгжинэ гэдэг эцсийн шийдвэр гараагүй байна гэсэн хариултыг Монголбанкны Ерөнхийлөгч хэллээ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ