Б.Пүрэвдорж: МАН "давхар дээлээ" яаж дахин буцааж олж авах уу гэсэн зовлонд нь манай намын гишүүд оролцож байгаа нь тун буруу

УИХ дахь АН-ын бүлгийн гишүүн Ш.Адьшаа, Н.Ганибал нар Үндсэн хуулийн нэмэлт, өөрчлөлтийн зарим заалтыг өөрчлөх асуудлаар Цэцэд хандсан. Тодруулбал, Үндсэн хуулийн нэмэлт, өөрчлөлтөд  Засгийн газарт дөрвөөс дээш УИХ-ын гишүүн ажиллахыг хориглоно гэсэн  заалтыг өөрчилж 100 хувь “давхар дээл”-тэй сайд нараас бүрдүүлэх шаардлагатай хэмээн үзэж Цэцэд хандаад байгаа юм. 

Уг асуудлын хүрээнд УИХ дахь АН-ын бүлгийн гишүүн  Б.Пүрэвдоржоос тодруулахад тэрбээр "МАН "давхар дээлээ" яаж дахин буцааж олж авах уу гэсэн зовлонд нь манай намын гишүүд оролцож байгаа нь тун буруу" гэсэн тайлбарыг өглөө.