Орон нутгийн даатгалын хэлтэс, гэрээт эрүүл мэндийн байгууллагуудад хяналт, үнэлгээ хийх ажлын хэсэг Завхан аймагт ажиллаж байна

ЭМДЕГ-аас томилогдсон ажлын хэсгүүд орон нутаг дахь эрүүл мэндийн даатгалын хэлтсийн үйл ажиллагаатай танилцах, хяналт үнэлгээ хийх ажил үргэлжилж байгаа. Өнөөдөр ЭМДЕГ-ын Дэд дарга Г.Гийхнаран, Худалдан авалт гэрээлэлтийн газрын дарга Г.Ариунсайхан болон бусад мэргэжилтэн, албан хаагчдаас бүрдсэн ажлын хэсэг Завхан аймгийн ЭМД-ын хэлтсийн үйл ажиллагаатай танилцаж, хяналт-үнэлгээ хийж, зөвлөн туслах ажлыг зохион байгууллаа. Мөн тус аймгийн гэрээт эрүүл мэндийн байгууллагуудын эмч, мэргэжилтнүүдэд ЭМД-ын тухай хуулийн шинэчлэл, ЭМДҮЗ-ийн 03,04,05 дугаар тогтоол, даатгуулагчдад үзүүлсэн тусламж, үйлчилгээний гүйцэтгэлийн XML программын талаар нэгдсэн сургалтыг зохион байгуулж, эмч, мэргэжилтнүүдийн сонирхсон асуултад хариулж, мэргэжил, арга зүйн зөвлөгөө өгч ажиллаж байна