Сурагч охин болон Монголын ард түмнээс өнөөдрийн дотор уучлалт гуйх шаардлага хүргүүллээ

БНСУ-д дунд сургуулийн нэгдүгээр ангийн сурагч /Монголын долдугаар анги/ 13 настай Монгол охиныг дөрвөн солонгос охин зургаан цаг гаруй хугацаанд хүлж, зодож, хүчээр архи уулгасан хэрэг гарсан. Энэ асуудалд Монголчуудын зүгээс анхаарлаа хандуулж байна. БНСУ-ын хоёр сурагч охин нь насанд хүрээгүй тул хуулийн хариуцлага хүлээхгүй хэмээн тус улсын Цагдаагийн газраас хоёр охиныг хариуцлагаас чөлөөлөөд байгаа юм.

Монголчууд энэ хэрэгт буруутай дөрвөн хүүхэд хуулийн хариуцлага хүлээх ёстой хэмээн шаардаж БНСУ-ын Ерөнхийлөгчид хандан хүсэлт гаргаж https://www1.president.go.kr сайтад санал цуглуулж эхлээд байна. 

Монгол Улсад суугаа БНСУ-ын Элчин сайдын яамны гадна сурагч охиноос уучлалт гуйж, хэргийг хуулийн хүрээнд нэн даруй шудрагаар шийдвэрлэхийг шаардсан залуус тайван жагсаал хийв. 

Энэ үеэр дараах албан бичгийг БНСУ-аас Монгол Улсад суугаа Элчин сайдын яаманд хүргүүлсэн юм.

Албан бичигт:

• Сурагч охин болон монголын ард түмнээс өнөөдрийн дотор уучлалт гуйх
• Уучлалт гуйсан мэдэгдлийн албан ёсны цахим хуудсандаа байршуулах
• Хохирогч охинд хуулийн тусламж үйлчилгээ үзүүлэх, нөхөн төлбөр олгох
• Өмгөөлөл болон сэтгэл зүйн тусламж үйлчилгээ үзүүлэх
• Цаашид ийм үйл явдал гаргахгүй байх, монгол хүний эрх чөлөөнд халдахгүй байх гэсэн утга бүхий шаардлагыг хүргүүлжээ.