Сүүлийн 24 цагт 14 аймагт халдвар бүртгэгдээгүй

Сүүлийн 24 цагийн хугацаанд улсын хэмжээнд 329  иргэн коронавирусийн халдвараар өвчилсөн нь PCR шинжилгээгээр батлагджээ.

Мөн хугацаанд коронавируст халдварын улмаас 41-80 гаруй насны таван хүн нас баржээ. Талийгаачдын гэр бүл, төрөл төрөгсдөд гүн эмгэнэл илэрхийлье.

Улсын хэмжээнд хэвтэн эмчлүүлж буй хүмүүсийн биеийн байдлыг авч үзвэл:

-Хөнгөн 2513

-Хүндэвтэр 3043

-Хүнд 796

-Нэн хүнд 129 байна.

Өнөөдрийн байдлаар гэрийн хяналтад 12702 хүн эмчлүүлж байгаа аж. Хэвтэн эмчлүүлж буй 6481 иргэн байна. Үүнээс 235 нь жирэмсэн, 1292 хүүхэд байна.

Мөн сүүлийн 24 цагийн хугацаанд 14 аймагт халдвар бүртгэгдээгүй. Тодруулбал Баянхонгор, Булган, Дундговь, Дорнод, Завхан, Өвөрхангай, Сэлэнгэ, Төв аймаг, Ховд, Хөвсгөл аймгуудад халдвар бүртгэгдээгүй.