32 тэрбум төгрөгөөр баригдаж буй Богд Зонховын хөшөөг өнгөрсөн зун барьж эхэлжээ

УИХ-ын нэгдсэн чуулганы хуралдаанаар 2022 оны төсөвт 32 тэрбум 490 сая төгрөг суугдсан Богд Зонховын хөшөөт цогцолборын ажил эхлээд багагүй хугацаа өнгөрсөн байна. Тодруулбал, Чингэлтэй дүүргийн 5-р хороо Тасганы овоо дээр Шашны соёлыг дэлгэрүүлэх "Богд Зонхов" бурхны хөшөө бүхий төвийг 32 тэрбум 490 сая 800 мянган төгрөгөөр барина гэжээ. Энэ төсөл бол Соёлын сайд Ч.Номингийн оруулж ирсэн хөрөнгө оруулалтын багцын нэг юм. 2022 оны төсөв урьд хожид байгаагүй буюу 18 их наядыг төсөвлөсөн. Гэтэл иргэдийн зүгээс хөшөө дурсгалд буюу үр ашиггүй зүйлд их хэмжээний төсөв суулгаж буйд бухимдаж байгаа юм. 

Тиймээс манай сурвалжлах баг Тасганы овоод баригдаж буй уг цогцолбор дээрээс мэдээллийг бэлтгэлээ.