Б.Баярсайхан: Миний нөхөр дэд консулаар томилогдох хэмжээний өндөр боловсролтой, би томилгоонд нөлөөлөөгүй

 УИХ-ын гишүүн Б.Баярсайханы нөхөр П.Баярмагнай АНУ-ын Санфранциско хотноо суух дэд консулаар томилогдсон. Уг томилгоонд УИХ-ын гишүүн Б.Баярсайханы нөлөө орсон эсэхийг түүнээс шууд тодрууллаа.

Тэрбээр "Намайг УИХ-ын гишүүн болохоос өмнө миний нөхөр ГХЯ-нд газрын дэд захирлаар ажиллаж байсан. Гадаадад гурваас дөрвөн жил ажиллаад Монголдоо ажиллах хуультай. Энэ хүн өөрөө дипломатич, дипломат албанд олон жил ажилласан. Дэд консулаар томилогдох хугацаанаасаа хоёр жил хойшлогдоод саяхан томилогдоод явсан. Энэ хүний чадвар, мэдлэг болон хууль ёсны томилгоо мөн эсэхийг нь салбарын сайдаас нь асуух нь зөв. Миний хэлж чадаж зүйл бол манай нөхөр маш өндөр боловсролтой АНУ-д бакалавр, магистр хамгаалсан. Би томилгоонд огт нөлөөлөөгүй" гэсэн тайлбарыг өглөө.