Ерөнхий сайд Л.Оюун-Эрдэнэ: Засгийн газрын үүрэг даалгаварыг биелүүлэхгүй бол шууд ажлаа өгөх хэрэгтэй

Ерөнхий сайд аймгийн засаг дарга нарт хандан Авлигын хэрэгт холбогдвол хамгаалахгүй гэдгээ мэдэгдлээ.

Ерөнхий сайд Л.Оюун-Эрдэнэ "Засаг дарга нарт шууд хариуцлага тооцдог эрхзүйн орчин нээгдэж байгаа шүү. Би хариуцлага тооцоод явна шүү. Өгсөн үүрэг даалгавар биелүүлээгүй 32 хүн ажлаас халагдсан. Авлига, албан тушаалын хэрэгтэй холбоотой 87 хүний асуудал шүүхээр эцэслэн шийдэгдсэн. Өгсөн үүрэг даалгавар биелүүлэхгүй бол сайд нарыг ч өөрчилнө. Эрх барьж байгаа намын даргын хувьд УИХ дээр ч асуудал ярина. 30 жил тогтворгүй, хэлсэндээ хүрдэггүй, үүрэг даалгавар биелүүлдэггүй явж ирлээ. Одоо энэ асуудлыг таслан зогсооно. Засгийн газрын үүрэг даалгаварыг биелүүлэхгүй бол шууд ажлаа өгөх хэрэгтэй. Гэхдээ би хэнийг ч хэлмэгдүүлэхгүй, улс төрийн асуудал үүсгэхгүй. Зөвхөн ажлаа хийж чадахгүй бол албан тушаалын хэрэгтэй холбогдвол, авлига авбал хатуу арга хэмжээ авна" гэлээ.