Ажилдаа хайнга хандаж хурлаа тасалдаг эрхэм гишүүдтэй ТАНИЛЦ

УИХ-ын гишүүний шинэ ёс зүйн дүрмээр УИХ-ын гишүүний хүлээх хариуцлагыг тодорхой болгож байгаа юм байна. Тус дүрмийн 10.7.3-т хүндэтгэн үзэх шалтгаангүйгээр нэгдсэн байнгын дэд, түр хорооны хуралдааныг гурав ба түүнээс дээш удаа тасалсан, хуралдааны цахим ирцэд бүртгүүлсэн дүнгээр хоцорсон буюу тасалсан цаг нь ажлын гурван өдрийн цагаас дээш гарсан бол УИХ-ын ёс зүй, сахилга хариуцлагын байнгын хорооны хуралдаанаар оруулж хариуцлага тооцдог болох юм байна.

Тэгвэл өнөөдөр /2021.11.16/ УИХ-ын Ёс зүй, сахилга хариуцлагын байнгын хорооны дарга Б.Бат-Эрдэнэ УИХ-ын гишүүдийн ирцийн асуудлаар мэдээлэл хийж, чуулганы хуралдаанаа тасладаг УИХ-ын гишүүдийн нэрсийг зарлалаа. 

УИХ-ын чуулганы хуралдаан 10 удаа хуралдахад УИХ-ын 19 гишүүн хуралдаан тасалж, 30 гишүүн хоцорсон байна. 

Ажилдаа хайнга хандаж, чуулганы хуралдаанаа тасалдаг гишүүдтэй танилцвал:

УИХ-ын гишүүн Ц.Анандбазар гурван удаа

 С.Амарсайхан, Х.Нямбаатар, Ц.Сэргэлэн, Н.Энхболд нар хоёр удаа

 Х.Ганхуяг, Ж.Мөнхбат, Ц.Мөнх-Оргил, С.Одонтуяа нар нэг удаа тасалжээ.