Б.Жавхлан: Хаан банкны эцсийн хувьцаа эзэмшигч хэн байгааг Төв банк олж тогтоон, ил тод зарлах хэрэгтэй

Сангийн сайд Б.Жавхлан цаг үеийн асуудлаар сэтгүүлчдэд мэдээлэл өглөө. Тэрбээр "Төрийн сангаас гадна байгаа ЭМД, НД-ийн санг төвлөрүүлэх ажлыг Л.Оюун-Эрдэнийн ЗГ үргэлжлүүлж байна. Зарим нэг банкуудаас төрийн сан руу төвлөрүүлэх ажил саатаж байгаа.  Он гарсаар 30 гаруй тэрбум төгрөг төвлөрүүлсэн байна. Манай ЗГ 2.7 их наяд орчим зээлийн багцтай, чанаргүй зээл нь 1.5 их наяд төгрөг бүхий зээлийн багцтай Хөгжлийн банкыг хүлээн авсан. Муу зээл бүр дээр төлөвлөгөө гарган ажиллаж байгаа.  Хаан банкны хувьд онцгой анхаарч үзэх ёстой. Нийт хүн амын 80 гаруй хувь нь данс эзэмшдэг. Тиймээс уг банкны хөдөлгөөн иргэдэд 100 хувь ил тод байх ёстой. Гадна талд байгаа хувьцаа эзэмшигчид хувьцаагаа худалдаж улмаар эцсийн өмчлөгч нь хэн байгааг Төв банк олж тогтоон үнэн зөв мэдээллийг өгөх ёстой" гэсэн юм.