Анхааруулга: Хоёр сартай нярайн хамрыг муур гэмтээснээс болж нярай амиа алджээ

Сэлэнгэ аймгийн Цагааннуур суманд унтаж байсан хоёр сартай хүүхдийн хамрыг муур гэмтээснээс болж нярай амиа алдсан харамсалтай хэрэг энэ сарын 08-нд гарсан байна. 

Үзлэгээр нярайн нүүр болон толгой хэсэгт олон тооны цэгэн шарх үүссэн байжээ. Цагдаагийн байгууллагын үзлэг шинжилгээгээр талийгаачийн хамрын зөөлөн эдийг муур ухаж идсэний улмаас нас барсан байж болзошгүй байгаа юм байна. Талийгаачийн ээж нь хүүхдээ шөнө хөхүүлж унтуулаад өглөө нь харамсалтай хэрэг болсон талаар эх сурвалж мэдээлж байгаа юм.

Хэргийг Сэлэнгэ аймгийн цагдаагийн газарт шалгаж байна.

Эх сурвалжийн мэдээллээр тухайн айл нь муур тэжээдэггүй байсан бөгөөд хоёр хоногийн өмнө хашаанд нь орж ирсэн муурыг гэртээ оруулсан байсан гэх мэдээлэл байгаа юм.