ХХМТГ-ын дарга Б.Болор-Эрдэнэ: Цахим үндэстэн арга хэмжээнд олон хүн цуглуулсан нь миний буруу

Засгийн газрын тохируулагч агентлаг болох Харилцаа холбоо, мэдээллийн технологийн газраас ICT экспог "Digital nation" уриан дор есдүгээр сарын 17-19-нд зохион байгуулсан.  Харилцаа холбоо, мэдээллийн технологийн газрын дарга Б.Болор-Эрдэнийн зохион байгуулсан  тус арга хэмжээний нээлтэд Ерөнхий сайд Л.Оюун-Эрдэнэ болон Засгийн газрын гишүүд оролцсон юм.

Үндэсний соёл амралтын хүрээлэнд болсон энэхүү арга хэмжээний нээлтэд олон хүн цугларч, цар тахлын үед иргэдийг олноор нь цуглуулсан гэсэн шүүмжлэлийг дагуулсан. 

Уг асуудалд ЗГХЭГ-ын дарга Ц.Нямдорж Харилцаа холбоо, мэдээллийн технологийн газрын дарга Б.Болор-Эрдэнэд сануулга өгсөн байдаг. Энэ талаар тус газрын дарга Б.Болор-Эрдэнээс тодруулахад, тэрбээр   "Цахим үндэстэн” арга хэмжээ олон хүн цуглахыг дутуу тооцож алдаа гаргасан нь үнэн" гэсэн тайлбарыг өглөө.