Гэрлийн шон гурван автомашины дээр уналаа

Өнөөдөр /2021.10.30/ 16:20 цагт БЗД дүүрэг 26 дугаар хороо Олимп хотхоны явах автозам дагуу байрлалтай гэрлийн шон гурван автомашин дээр унасан байна. Азаар хүн бэртээгүй бөгөөд автомашинуудын салхины шил цуурч, кузов хонхойсон байна. Ослын улмаас автозам хэсэг хугацаанд түгжирсэн байна. Цагдаагийн алба хаагчид хэмжилт хийн, холбогдох байгууллага гэрлийн шонг холдуулах ажил хийгдэж байна.

Өмнө нь хөдөлмөрийн аюулгүй байдал алдагдснаас барилгын кран, материал унаж эрдэнэт хүний амь нас эрсдэж байсан харамсалтай үйл явдлууд болж байсан. Тэр ч бүү хэл байгууллагуудын хаяг, самбар автомашин болон иргэдийн дээрээс унаж байсан билээ. Эндээс харахад иргэдийн амьд явах баталгаа нийслэл Улаанбаатар хотод алга байна гэж хэлж болохоор байна.