ЭМЯ: 1636 хүн халдвар илэрч, 12 иргэн нас баржээ

Улсын хэмжээнд сүүлийн 24 цагийн хугацаанд 1636 иргэн коронавирусийн халдвараар өвчилсөн нь PCR  шинжилгээгээр батлагджээ. Ингэснээр нийт бүртгэгдсэн тохиолдлын тоо 356,765 болов. 

Шинээр илэрсэн тохиолдлуудын бүгд дотоод халдвар бөгөөд

• 965 нь Улаанбаатар хотод,
• 671 нь орон нутагт бүртгэгдсэн байна.

Өнгөрсөн хоногт  21-80 гаруй насны 12 хүн нас баржээ. Өнөөдрийн байдлаар COVID-19 халдварын улмаас нийтдээ 1638 хүн эндээд байна.

Өнөөдрийн байдлаар улсын хэмжээнд 17349 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 53,095 хүн Өрхийн эмчийн хяналт дор гэрээр эмчлүүлж байгаа.

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

• Хөнгөн – 8,058
• Хүндэвтэр- 6,813
• Хүнд – 2,114
• Маш хүнд -364 хүн байна.