Ерөнхийлөгчийн шүүгч нарыг томилох эрхийг хасах хуулийг баталлаа

УИХ-ын чуулганы өнөөдрийн нэгдсэн хуралдаанаар, Ерөнхийлөгчийн тухай хуульд нэмэлт, өөрчлөлт оруулах тухай хуулийг баталлаа. 

Монгол Улсын Ерөнхийлөгчийн тухай хуулийн 12 дугаар зүйлийн 12.18 дахь хэсэгт "Шүүхийн ерөнхий зөвлөлийн дарга, гишүүдийг хуульд заасны дагуу томилж, чөлөөлнө” гэсэн нь Шүүхийн тухай хуультай зөрчилдөж байгаа юм. Тиймээс дээрх хэсгийг хасахаар хуулийн төслийг боловсруулсан юм. 

Мөн Шүүхийн шийдвэр гүйцэтгэх тухай, Таримал ургамлын үр, сортын тухай, Тариалангийн тухай, Зөрчлийн тухай, Зөрчил шалган шийдвэрлэх тухай, Улсын тэмдэгтийн хураамжийн тухай хуулиудыг эцэслэн баталлаа. 

Үүгээр хэлэлцэх асуудлууд дууссан тул чуулганы хуралдааныг хаалаа.