Хотын даргаа СХД-т хууль зөрчин газар олгосон асуудлыг анхааралдаа авна уу

Монгол улсын "Авто замын тухай хууль"-ийн 16.2 дугаар зүйл заалтад"Олон улсын, улсын чанартай болон тусгай зориулалтын авто замын зурвас газрын өргөн 100м буюу авто замын төв тэнхлэгээс хоёр тийшээ 50м байна" гэж заасныг зөрчин авто замаас 3м зайнд газар олгосон асуудлаар бид сурвалжиллаа. Биднийг газар дээр нь очиход хашаа хатган, газар шорооны ажил нэгэнт эхэлчихсэн тэр бүү хэл барилгын суурь цутгаж байсан юм. СХД-ийн 32 дугаар хороо хуучнаар 22-н товчоо явах зам дагуу байрлах уг хоёр газар нэг нь 1599м2, нөгөө нь 1499 м2 талбайтай бөгөөд 2008 оноос хойш газар эзэмших эрхийг сунгасаар өнөөдрийг хүрсэн байна.   

Уг газрыг 2014-2019 оны хооронд ашиглах эрхийн зөвшөөрлөөр ашиглаж байсан ч хуулийн дагуу хоёр жилийн хугацаанд ашиглаагүй бол цуцлах байтал 2028, 2033 он хүртэл эзэмших эрхээр дахин сунгасан байна. Ийнхүү авто замын тухай хууль зөрчин автозамтай ойр олгосон мөн Газрын тухай хуулийг зөрчин эзэмших эрхийг сунгасан уг газрыг эрх бүхий байгууллага анхааралдаа авах хэрэгтэй байна.