Камертон хамтлагийн тоглолтоор 500-600 орчим иргэн цуглажээ

Камертон хамтлаг халдвар хамгааллын дэглэм зөрчиж, тоглолт зохион байгуулсан асуудал үүсээд байгаа. Уг асуудалтай холбоотойгоор тус тоглолтыг зохион байгуулсан “Зайсан хилл”-д зөрчлийн хэрэг нээгээд байгаа юм.

Тус тоглолтод 500-600 орчим иргэд цугласан гэх мэдээлэл бий. Энэ нь Нийслэлийн засаг даргын захирамж зөрчиж үйл ажиллагаа явуулж байсан нь Зөрчлийн тухай хуулийн 5.13 дугааар зүйлийн 2 дэх хэсэг заасныг зөрчсөн байна. Энэхүү хэргийг Хан-уул дүүргийн цагдаагийн нэгдүгээр хэлтэс материалжуулан шалгаж байна.

Энэ талаар тус хамтлагийн дуучин Д.Мэндбаяр мэдээлэл хийлээ. Тэрбээр “МУ-ын ЗГ 10.01-ээс урлаг соёлын үйл ажиллагааг нээх талаар мэдэгдсэний дагуу бид тоглолтоо хийсэн. Зурагт харагдаж байгаа шиг хэдэн арван мянган хүн цуглаагүй. Тоглолт үзэхээр ирсэн зочдын халууныг үзэж, бүртгэж оруулсан. Тоглолт 4 удаа завсарласан. Тэр хугацаанд агаар сэлгэж, ариутгал хийж байсан. Бид хууль дүрэм зөрчөөгүй. "Зайсан хилл" НОК-той хариуцлагын гэрээ байгуулсан байсан. 

Асуудлыг эерэгээр харж, эерэг байцгаая. Юм бүхнийг шүүмжилж, харлуулдгаа болъё, бүх хүнд эрүүл энхийг хүсье” гэлээ.