Н.Алтанхуяг: Эмийн хэдэн компаниудын лоббигоор ард иргэдийнхээ амь насыг гаргуунд гаргаж болмооргүй байна

Өнөөдрийн УИХ-ын чуулганы хуралдаанаар УИХ-ын гишүүн Н.Алтанхуяг коронавирусний вакцины татан авалт, эмийн нэгдсэн ойлголтыг өгөх нь зүйтэй хэмээн саналаа хэлж, асуулт асуулаа. Тэрбээр "Ямар вакцин татан авах талаар хэн шийдвэр гаргаад байгаа юм бэ? Тэр хүнээ ил болгочих. Бид бүтэн жил нэг тэрбум гаруй долларын зээл болж байгаа шүү. Тиймээс авсан энэ зээл тусламждаа жаахан хямгатай байх хэрэгтэй юм даа. Мөн ард иргэдэд эмийн нэгдсэн ойлголт өгч чадахгүй байна шүү дээ. Арбидолоос харахад л ийм байна. Энгийн зүйл дээр ард иргэдээ бодохгүй мөнгө л ярьдаг боллоо. Ковидоор айлгаж өчнөөн л зээл авчихлаа. Ингээд харахад эмийн хэдэн компаниудын аманд багтаад ард иргэдээ гаргуунд нь гаргаж байна шүү дээ. Хоёр жилийн хугацаанд хэт их сурталчилгаа хийчихээд яг байлдаан эхлэхэд ийм л байдалтай байна” хэмээлээ.