Г.Ёндон: Нийслэлийн хэмжээнд шатахууны тав хоногийн нөөц бий

Өнөөдөр /2021.10.05/ оройноос эхлэн иргэд шатахуунд дугаарлаж эхэлсэн учир уг асуудлыг Уул уурхайн сайд Г.Ёндонгоос тодрууллаа. Тэрээр "Нийслэлийн хэмжээнд тав хоногийн нөөц бий. Бид БНХАУ, ОХУ-аас шатахуун импортууд ирэхээр байгаа. Өнөөдөр бид нефть импортлогчидтой уулзсан. Заримд нь 10 хоног зарим газарт 8 хоногийн нөөц бий гэдгийг хэлсэн. Тиймээс бүгдийг тэгшитгэж тав хоногийн нөөцтэй гэж ойлгосон. Гэнэт ингэж зохиомол хомсдол үүсгэж байгаа нь улс төрийн зорилго бийг үгүйсгэхгүй" хэмээсэн юм. 

Харин "Сод монгол групп" ХХК-ийн Гүйцэтгэх захирал Ц.Пүрэвренчин ОХУ-ын Роснефьт компаниас ачигдах АИ-92 автобензиний ачилтууд хязгаарлагдан багасч байгаа тул дараахь тушаалыг гаргасан байна.