Ерөнхийлөгчийн зарлигаас үүсэх содон 13 зүйл

Монгол улсын Ерөнхийлөгч У.Хүрэлсүхийн зарлигаар дараах онцлог ажлуудыг зохион байгуулах юм. Үүнд:

1. Улсын хэмжээнд шинээр тарьж ургуулсан бүх модыг бүртгэлжүүлэх юм байна.

2. Халамж авч буй иргэн бүр мод тарьж ургуулна. (Халамжаас хөдөлмөрт бодлогын хүрээнд)

3. Уул, уурхайн бүх компаниудыг олборлолтоос хамааран мод олноор нь тариулах хууль гарах юм байна.

4. Mонголд ирсэн гадаадын иргэн бүр хилээр нэвтрэхдээ 1 мод тарих хураамж төлнө. Түүгээр нь жуулчдын нэрийн бүртгэлтэй төгөл буюу цэцэрлэгт хүрээлэн бүтээх юм байна.

5. 12-р анги төгсөх хүртэлээ сурагч бүр, оюутан бүр 12 ширхэг мод тарьж ургуулна.

6. Улсын хэмжээнд ногоон байгууламжаа бариагүй барилгуудад шалгалт хийж, шинээр хийж дуусгах хугацаа өгөх юм байна.

7. Шинээр гэрлэх хосууд дурсгал болгож хос мод тарина. Хосуудын нэр бүхий төгөл, цэцэрлэгт хүрээлэн байгуулагдана.

8. Нийт тарих тэрбум модны 200.000.000-аас доошгүй нь жимс жимсгэнэ, бут, сөөг, царгас болон эмийн ургамал байх юм байна.

9. Mод олноор тарьж ургуулсан иргэдийг төрийн шагналаар шагнадаг болж байгаа юм байна.

10. Зэвсэгт хүчнийг мод тарих ажилд дайчилж экологийн боловсрол олгоно.

11. Mод тарьж ургуулахтай холбогдох машин, механизм, тоног төхөөрөмжүүдийг гаалийн татвараас чөлөөлөх юм байна.

12. Төрөөс мод тарьж, ургуулж, арчлах ажлыг хариуцах “шинэ агентлаг” байгуулагдана.

13. Сум, дүүрэг бүрт ногоон байгууламж бүхий цэцэрлэгт хүрээлэн байгуулна.