УИХ дахь намын бүлгүүд хуралдана

Өнөөдөр (2021.10.04) 10.00 цагаас  УИХ дахь МАН, АН-ын бүлгүүд хуралдана. Бүлгүүдийн хуралдаанаар энэ долоо хоногт УИХ-ын чуулганы хуралдаанаар хэлэлцэх асуудлуудад санал дүгнэлтээ нэгтгэх юм. 

УИХ-ын чуулганы хуралдаанаар:

• Монгол Улсын Дээд шүүхээс санал болгосон Үндсэн хуулийн цэцийн гишүүнийг томилох тухай асуудал,
• Хөрөнгө оруулалтын тухай хуульд өөрчлөлт оруулах тухай,
• Хуулийн этгээдийн Улсын бүртгэлийн тухай хуульд өөрчлөлт оруулах тухай хуулийн төсөл,
• УИХ-ын гишүүн Д.Ганбатаас Ерөнхий сайд Л.Оюун-Эрдэнэд хандан "Нүүрс тээвэрлэлтийн салбарт хэрэгжиж буй тогтоол, шийдвэрийн хэрэгжилтийн байдал, цаашид Засгийн газраас авч хэрэгжүүлэх арга хэмжээний" талаар тавьсан асуулгын хариуг сонсох зэрэг асуудлыг хэлэлцэхээр төлөвлөжээ.