Жолооч нар торгуулийн 50 хувиа төлж байж үлдэгдэл төлбөрийг тэглэнэ

Энэ оны долдугаар сард батлагдсан “Өршөөл үзүүлэх тухай хууль”-д жолооч нарыг торгосон шийтгэлийн төлбөрийн 50 хувийг чөлөөлөхөөр заасан.  

Тодруулбал, 2017 оны долдугаарын 1-нээс энэ оны зургаадугаар сарын 24-ний 00.00 цагаас өмнө Зөрчлийн тухай хуулийн 14.7 дугаар зүйлд заасан зөрчил үйлдсэн хүн аравдугаар сарын 1-ний дотор торгох шийтгэлийн төлбөрийн 50 хувийг төлсөн бол үлдсэн хувийг өршөөн чөлөөлөх юм.

Энэ хугацаа хэдхэн хоногийн дараа дуусч байгаа учраас жолооч нарыг торгуулиа төлөхийг Тээврийн цагдаагийн албанаас санууллаа.