Э.Батшугар жилийн 92.6 сая төгрөгийн орлого, хоёр тэрбум төгрөгийн зээлтэй

Улсын Их Хурлын 18 болон 28 дугаар тойргийн нөхөн сонгуулийн санал хураалт аравдугаар сарын 10-ны өдөр болно. Тэдний  2020 онд АТГ-т мэдүүлсэн хөрөнгө орлогын мэдүүлгийг танилцуулъя. 

Хоёр тойрогт зэрэг явагдах нөхөн сонгуулийн 28 дугаар тойрогт нийт арван нэр дэвшигч өрсөлдөхөөс МАН-аас Э.Батшугар, Үнэн ба Зөв намын дарга А.Отгонбаатар, АН-аас Э.Бат-үүл нар өрсөлдөж байгаа бол 18 дугаар тойрогт Хэнтий аймгийн Засаг дарга Ц.Идэрбат, бие даагч М.Чингисхаан, АН-аас Б.Гарамгайбаатар нарын хөрөнгө орлогын мэдүүлэг олны анхаарлыг зүй ёсоор татаад байгаа юм. Эдгээр нэр дэвшигчдийн хөрөнгө орлогын мэдүүлгийг тус бүрээр нь танилцуулж байна. 

Нэр дэвшигч Энхбаярын Батшугарын хувьд 28 дугаар тойрогт өмнө нь МАХН-аас хоёр удаа нэр дэвшиж байсан бол энэ удаад намаа сольж МАН-аас нэр дэвшиж байна. Тэрбээр 17 компанид хувьцаа эзэмшдэг аж. 

• Жилийн нийт орлого 92.6 сая төгрөг
•  Гэр бүлийн орлого 704 сая төгрөг
• 100 сая төгрөгөөр үнэлэглэх нийтийн орон сууц 1
• 236 сая төгрөгөөр үнэлэгдэх Ланд-200 автомашин, Yamaha үйлдвэрийн мотоцикл тус бүр 1
• Хадгаламж 162 сая төгрөг 
• 2 тэрбум төгрөгийн зээлтэй аж.