Дархан хотод Америкийн соёл мэдээллийн төв нээгдлээ

Залуучууд өнөө цагт гадаад хэлийг сонирхон суралцаж, гадны орны хөгжил болоод соёлтой хөл нийлүүлэн алхах болсон энэ цаг үед Америкийн соёл, мэдээллийн төв Дархан хотод нээгдлээ. Энэхүү төв нээгдсэнээр залуучууд АНУ-ын талаарх бүхий л мэдээ, мэдээллийг авч англи хэлний сургалт, англи хэл дээрх номын сан, интернэтийн үйлчилгээ, их дээд сургуулиудын элсэлт, тэтгэлэгт хөтөлбөрүүдийн талаар зөвлөгөө мэдээллийг нэг дороос үнэ төлбөргүй авахаараа онцлогтой. 

Монгол Улсын 21 аймгаас Дархан-Уул аймгийг сонгон Америкийн соёл, мэдээллийн төвийг АНУ-ын төрийн департаментын Боловсрол, соёлын асуудал эрхэлсэн товчооноос санхүүжүүлжүүлэн байгуулжээ. Дархан-Уул аймаг АНУ-ын Техас мужийн Өирвинг хоттой 2006 онд ах дүү хотуудын харилцааг тогтоож байжээ. 2017 онд Соёл мэдээллийн төвийг нээх саналыг гаргаж 2020 онд санамж бичигт талууд гарын үсэг зурсан билээ.