Энэ хичээлийн жилд 4,800 оюутанд "Оюутны хөгжлийн зээл" олгоно

М.Төгөлдөр

2021/08/31

2021-2022 оны хичээлийн жилд "Оюутны хөгжлийн зээл"-ийг олгохдоо зөвхөн Монгол Улсад шаардлагатай тэргүүлэх 35 чиглэлийн мэргэжлээр суралцагсдад олгох журам гарсан байна. Харин өмнөх хичээлийн жилүүдэд "Оюутны хөгжлийн зээл"-д хамрагдаж байсан суралцагсдад мэргэжлийн чиглэл харгалзахгүй зээл аж.

Энэ жилийн хувьд "Оюутны хөгжлийн зээл"-ийн санхүүжилт болох 7,2 тэрбум төгрөгийг дунджаар 4,800 оюутанд олгох боломжтой. Оюутны хөгжлийн зээлийг улирал тутмаар олгодог учир нэг улирлын дундаж төлбөр 1.5 сая төгрөгөөр тооцоход 4,800 оюутанд зээл олгох урьдчилсан тооцоолол бий" гэдгийг Боловсролын зээлийн сангийн захирал Ж.Ариунболд хэллээ.

Хүснэгт 1. Хөнгөлөлттэй зээлээр суралцаж төгссөн иргэдийн диплом:

ТӨГСӨГЧИД	ТӨЛБӨР ТӨЛӨХ ЭСЭХ
2003-2004 оны хичээлийн жилээс өмнөх /бакалавр/	Төлбөрөөс бүрэн чөлөөлөгдсөн
2007-2008 оны хичээлийн жилээс өмнөх /бакалавр, магистр, доктор/	Чөлөөлөгдөх болзол хангасан тохиолдолд төлбөрөөс чөлөөлөгдөнө
2008-2009 оноос хичээлийн жилээс Хойших /бакалавр/	Төлбөрөө заавал төлнө

Харин буцалтгүй тусламжийг

Бүтэн өнчин
Хөгжлийн бэрхшээлтэй суралцагч
Эцэг эх нь хоёулаа хөгжлийн бэрхшээлтэй суралцагч
Хөдөлмөрийн чадвараа бүрэн алдсан гишүүнтэй өрхийн бакалаврын хөтөлбөрийн нэг суралцагч
Төрийн өмчийн их, дээд сургуульд багш мэргэжлээр элсэгч
Нэг өрхийн 3 суралцагч нь дээд боловсролын сургалтын байгууллагад бакалаврын боловсрол эзэмшихээр зэрэг суралцаж байгаа өрхийн 1 суралцагч
Төрийн өмчийн болон төрийн бус өмчийн их, дээд сургуульд сувилагч мэргэжлээр элсэгч
Цаатан өрхийн суралцагчдад олгоно” хэмээн тэрбээр нэмж хэллээ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ