Боловсролын зээлийн санд 13,650 ширхэг диплом зээлийн барьцаанд байна

Өнөөдөр /2021.08.31/ Боловсролын зээлийн сантай холбоотой мэдээллийг сангийн удирдлагууд танилцууллаа. Монгол Улсад 1996-2016 он хүртэл хугацаанд өнөөдрийн “Оюутны хөгжлийн зээл” нь "Хөнгөлөлттэй зээл" нэртэйгээр олгогддог байсан байна. Энэ нь дотоодын их, дээд сургуулиудад суралцаж буй оюутнууд дипломоо "Боловсролын зээлийн сан"-д өгөөд зээл авдаг байсан гэсэн үг юм. Харин гадны улс оронд суралцаж буй оюутнуудын хувьд үл хөдлөх хөрөнгө барьцаанд тавьж уг зээлд хамрагддаг байсан юм. 

Тэгвэл энэ хугацаанд /1996-2016 он/ Боловсролын зээлийн сангаас нийт 40 гаруй тэрбум төгрөгийн гучин мянга орчимд нь оюутны хөнгөлөлттэй зээл олгосон байна. "Одоо тус санд дотоодын их, дээд сургууль төгссөн сурагчдын 13,650 ширхэг диплом байгаа тул энэ хүмүүс дипломоо авахыг уриалж байна" хэмээн Боловсролын зээлийн сангийн захирал Ж.Ариунболд хэллээ.