Хандгайт: СБД-ийн Засаг дарга Х.Болормаад долдугаар сард газрын зөвшөөрөл цуцлах тухай албан бичгийг хүргүүлж байжээ

Өчигдөр /2021.08.30/ Хандгайтын ой, голыг хашаалж барилгын үйл ажиллагаа явуулж буй “Ориент инвестмент пропертиз” ХХК-ийн хоёр ажилтан манай сайтын сэтгүүлч, зураглаачийн биед халдаж, техник хэрэгсэл, сэтгүүлчийн эд зүйлд халдсан үйлдэл гаргасан билээ.

Тус компанийн эхлүүлсэн "Хандгайт вилла" барилгын ажил явагдаж байгаа гэх уг газрын зөвшөөрлийг тухайн үед буюу 2012 онд одоогийн Батлан хамгаалахын дэд сайд Б.Баярмагнай СБД-ийн Засаг даргаар ажиллаж байхдаа олгосон байдаг юм. Гэтэл уг 2,8 га газрыг ой хамгаалах, нөхөн сэргээх зориулалтаар таван жилээр эзэмших эрхийн гэрээтэй байгуулсан байдаг. 

Харин нэр бүхий 34 хүний нэр дээр шилжүүлэх хүсэлтийг Сүхбаатар дүүргийн газрын албанд гаргасан байна.