Баянзүрх дүүрэг гурван төрлийн өглөөний гудамжтай болно

Нийслэлийн Баянзүрх дүүрэг та бидний хэлж заншсанаар гурван өндрөөс "Арслантай гүүр" хүртэл гурван төрлийн өглөөний гудамжийг есдүгээр сардаа багтаан ашиглалтад оруулахаар төлөвлөж байгаа аж. 

Гурван өндрийн талбайд "Бизнесийн гудамж", Бөхийн өргөөний урд талбайд "Залуучуудын гудамж", цаашлаад арслантай гүүр хүртэл "Ахмадын гудамж" гэсэн гурван төрөл байх юм байна. Эдгээр гурван гудамжны хувьд бүгд өөрсдийн гэх өнгө аяс, онцлогийг шингээсэн, дан ганц зун цагт ажиллаад байхгүйгээр зохион байгуулах аж. 

"Өглөөний гудамж" хийж буйн гол зорилго бол Монголчуудыг эртэч болгож, иргэдийг өглөө эртлэн ажил төрлөө амжуулж, бүтээлч байлгах гэдгийг онцолсон байна. Мөн үүнд Аж ахуй нэгжүүдийн дэмжлэг маш чухал. Тиймээс Аж ахуй нэгжүүд бүгд дэмжээд өгөөрэй гэж Баянзүрх дүүргийн ИООНХХ-ээс мэдээллээ.