Экспортыг нэмэгдүүлэх чиглэлээр Элчин сайд нартай хамтран ажиллана

М.Төгөлдөр

2021/08/31

МҮХАҮТ-аас Монгол Улсаас гадаад улсад суухаар томилогдсон Элчин сайд нарт зориулсан уулзалтыг Гадаад харилцааны яамтай хамтран зохион байгуулсан байна. МҮХАҮТ-ын Ерөнхийлөгч О. Амартүвшин тус уулзалтыг нээж хэлсэн үгэндээ “Худалдааны салбарын өнөөгийн байдлаас харахад худалдааны асуудлыг хариуцсан институцтэй байх, худалдааны хууль эрх зүйн орчныг сайжруулах, гадаад худалдааны нэгдсэн бодлогыг тодорхойлж хэрэгжүүлэх, худалдааг хөнгөвчлөх, хилийн боомтуудын дэд бүтцийг сайжруулах, чөлөөт бүсийг хөгжүүлэх болон уул уурхайн бус экспортыг дэмжин урамшуулах олон хэрэгцээ шаардлага байна.

Монгол Улсын эдийн засгийг эрчимтэй өсгөх, түүний дотор жижиг дунд бизнесийг дэмжих ба ажлын байрыг нэмэгдүүлэхэд хөдөө аж ахуйн гаралтай бүтээгдэхүүний экспортыг нэмэгдүүлэх, мөн уламжлалт бус экспортыг дэмжих нь чухал" гэдгийг онцлоод эдийн засаг, бизнес, худалдааны салбарт цар тахлын улмаас бий болсон сорилт бэрхшээлийг даван туулах өнөөгийн онцгой нөхцөл байдалд энэхүү уулзалтыг хийж байгаа нь чухал ач холбогдолтой" хэмээжээ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ