Хандгайтын ойн гүнд гол хашиж, барилга барьж буй компанийн ажилчид сэтгүүлч, зураглаачийн биед халдлаа

Хандгайтад хууль бусаар газар эзэмшиж, үйл ажиллагаа явуулж буй гэх “Ориент инвестмент пропертиз ХХК” компанийн талаар манай сэтгүүлч Н.Мижидмаа өмнө нь мэдээ, сурвалжилгыг газар дээрээс нь хүргэж байсан билээ. Ойн модон дунд, голын гольдролд нөлөөлсөн үйл ажиллагаа явуулж буй уг компанийн үйл ажиллагааг Экологийн цагдаагийн албанаас зогсоосон ч "Барилгын үйл ажиллагаа үргэлжилж байна" гэх мэдээллээр өнөөдөр /2021.08.30/ мэдээллийг газар дээрээс нь хүргэж байх явцад харуулын үүрэг гүйцэтгэдэг иргэд сэтгүүлч, зураглаачийн биед халдаж, гар утсыг нь эвдсэн юм. Иймд манай сэтгүүлч, зураглаачид хууль хяналтын байгууллагад хандаад байна.