Б.Баатархүү: Өндрөөс унаж амь насаа алдсан залуу урьдчилсан байдлаар сэтгэл гутралтай байсан нь тогтоогдсон

Өчигдөр /2021.08.23/ 15:28 цагт өндрөөс хүн уналаа гэх дуудлага цагдаагийн байгууллагад ирсэн байна. Энэ талаар ЦЕГ-ын хэвлэл мэдээллийн албаны дарга, хурандаа Б.Баатархүү мэдээлэл өглөө. Тэрээр "Одоогоор шалгалтын ажил явагдаж байна. БГД-ийн 3 дугаар хорооны нутаг дэвсгэрт байрлах Нарны хорооллын урд 27 настай А гэгч унаж амь насаа алдсан тухай мэдээлэл 15:28 цагт ирсэн. Хэргийн шалтгаан нөхцөлийг тогтоохоор Баянгол дүүрэг дэх цагдаагийн газрын Нэгдүгээр хэлтсийн алба хаагчид мөрдөн шалгах ажиллагааг явуулж байна.

Талийгаач согтуурсан, мансуурсан эсхүл эрүүл байсан эсэх нь задлан шинжилгээгээр тодорхой болно. Урьдчилсан байдлаар сэтгэл гутралтай байсан нь тогтоогдсон. Гэхдээ үүнийг амиа хорлох эцсийн шалтгаан гэж ойлгож болохгүй" гэдэг мэдээллийг өглөө.