Элчин сайд Монголын тэргүүний сурагч Э.Өдөрийг хүлээж авлаа

2021 оны 6 дугаар сарын 11-ний өдөр Элчин сайд Жалгас Адилбаев Улаанбаатар хот дахь Их Британийн сургуулийн (British School of Ulaanbaatar) 9-р ангийн сурагч Э.Өдөрийг хүлээн авч уулзлаа. Энэхүү уулзалтыг сурагч Э.Өдөрийн хүсэлтийн дагуу зохион байгуулсан бөгөөд тэрээр өөрийн захиандаа Улаанбаатар хот дахь Их Британийн сургуулийн сурагчдын дунд «Сайн дурынхны клуб» байгуулж, улс орнуудын харилцаа, хамтын ажиллагааг сурталчлан таниулахыг зорьж байгаа тухай дурдсан билээ.

Уулзалтын эхэнд Элчин сайд Казахстан – Монголын харилцаа, хамтын ажиллагааны өнөөгийн байдал хийгээд цаашдын төлөвлөгөөний талаар мэдээлэл өглөө.
Тэрбээр Э.Өдөр гаргасан амжилтуудаа бидэнтэй хуваалцаж, алсын төлөвлөгөөгөө танилцуулав. Мөн тэрээр 2021 онд Улаанбаатар хот дахь Их Британийн сургуулийн 100 хувийн тэтгэлэгт хамрагдсан бөгөөд «CTV» сувагт англи хэлний багшаар ажилладаг тухайгаа хэллээ. Одоогийн байдлаар Э.Өдөр «Stories from Pachatantra» номыг англи хэлнээс монгол хэл рүү орчуулж байгаа гэсэн таатай мэдээг бидэнд дуулгалаа.

Харин Элчин сайд Ж.Адилбаев сурагчдын дунд «Сайн дурынхны клуб» байгуулах тухай Э.Өдөрийн санаачилгыг дэмжих зорилгоор түүнд Казахстан Улсын ширээний туг, үндэсний мөнгөн тэмдэгт болох тенге, энгэрийн зүүлт зэргийг дурсгажээ.